کراچی : شہر قائد سے کالعدم ٹی ٹی پی کااہم کارندہ گرفتار کرلیا ، ملزم نے سوشل میڈیا پر دھمکی دی تھی کہ ہم کراچی آگئے ہیں۔
تفصیلات کے مطابق کراچی میں سی ٹی ڈی انٹیلی جنس ونگ نے تاج کمپلیکس کے قریب کارروائی کرتے ہوئے کالعدم ٹی ٹی پی کے اہم کارندے کو گرفتار کرکے اسلحہ برآمد کرلیا۔
سی ٹی ڈی نے بتایا کہ ملزم خلیل الرحمان کاتعلق نورولی گروپ سے ہے، ملزم نے دسمبر 2024 میں قائداعظم کے مزار پر ویڈیو بنا کر افغانستان بھیجی تھی ، ملزم نےٹی ٹی پی کا کمانڈر مصباح کےحکم پر مختلف علاقوں کی ویڈیو بناکربھیجی تھی۔
ملزم نے سوشل میڈیا پر ویڈیو وائرل اوردھمکی دی تھی کہ ہم کراچی آگئے ، ملزم افغانستان میں دہشت گردی کی ٹریننگ بھی حاصل کرچکاہے ،سی ٹی ڈی
ملزم کوانٹیلی جنس ونگ نےتکنیکی اورسی سی ٹی وی فوٹیج کی مددسےگرفتارکیا ، یہ ڈیفنس ایریامیں کالعدم ٹی ٹی پی کی چاکنگ میں بھی ملوث ہے۔
