روزہ رکھنے کی وجہ سے عام طور پر جسمانی تبدیلی کے ساتھ جلد پر بھی اس کے اثرات مرتب ہوتے ہیں، ایسے میں خواتین جِلد کو تر و تازہ اور اس کی دیکھ بھال کیسے کر سکتی ہیں؟۔
ماہ رمضان میں اپنی ڈائٹ میں ایسی کون سی غذائیں شامل کی جائیں، جو جِلد کو تر و تازہ رکھنے میں مدد کریں، پانی کی کتنی مقدار لی جائے؟
اس حوالے سے ماہرین صحت کا کہنا ہے کہ اس ماہ کے دوران جسم میں پانی کی کمی، نیند میں خلل اور ناقص غذا آپ کے جسم اور جِلد کو متاثر کرسکتی ہے، روزےمیں کئی گھنٹے بھوکے اور پیاسے رہنے کی وجہ سے عام دنوں کے مقابلے میں جلد کا زیادہ خیال رکھنا چاہیے۔ ،
جِلد کو تر و تازہ رکھنے میں سب سے اہم کردار پانی کا ہے اور ساتھ ہی یہ بھی دیکھنا ضروری ہے کہ سحر اور افطار میں آپ کیا کھارہے ہیں اور کتنا پانی پی رہے ہیں؟
ایسے ہی کئی سوالات آپ کے ذہن میں بھی ہوں گے، اس حوالے سے ماہرین صحت کا کہنا ہے کہ رمضان المبارک میں روزے رکھنا نہ صرف روحانی فوائد رکھتا ہے بلکہ صحت پر بھی مثبت اثر ڈالتا ہے۔
طبی ماہرین کے مطابق روزہ رکھنے سے جسم کے قدرتی شفایابی کے عمل متحرک ہوتے ہیں، جو جلد کی صحت کو بہتر بنانے میں مدد دیتے ہیں۔
یہ عمل خلیوں کی مرمت، ہارمونز کا توازن اور آنتوں کی صحت میں بہتری لاتا ہے، جس سے جلد زیادہ تروتازہ اور چمکدار نظر آتی ہے۔
روزے کے دوران، جسم آٹوفیجی کے عمل کو متحرک کرتا ہے، جس میں پرانے یا خراب خلیے ٹوٹ کر دوبارہ استعمال میں آتے ہیں۔
یہ عمل جلد کے خلیوں کی مرمت اور تجدید میں اہم کردار ادا کرتا ہے، جس سے جلد زیادہ صحت مند اور جوان نظر آتی ہے۔
روزے کے دوران جلد کی حفاظت کیسے کی جائے؟
روزہ رکھنے کے دوران مناسب ہائیڈریشن اور غذائیت کا خیال رکھنا ضروری ہے، ورنہ جلد خشک اور بے رونق ہو سکتی ہے۔
اس کیلیے کافی مقدار میں پانی پینا، سحری اور افطار میں زیادہ سے زیادہ پانی اور ہائیڈریٹنگ غذائیں جیسے کھیرے، تربوز، اور دہی کا استعمال کریں تاکہ جسم میں نمی برقرار رہے۔
چکنائی اور چینی سے پرہیز، چکنائی اور زیادہ میٹھے کھانے انسولین لیول میں اضافہ کرکے جلد کے مسائل جیسے کیل مہاسے اور دانے پیدا کر سکتے ہیں۔
