امریکا کی سب سے بڑی یونیورسٹی ہارورڈ نے فروغ تعلیم کے لیے انقلابی قدم اٹھاتے ہوئے طلبہ کی ٹیوشن فیس معاف کردی ہے۔
غیر ملکی میڈیا کے مطابق امریکا کی سب سے بڑی جامعہ ہارورڈ نے سالانہ 2 لاکھ ڈالرز سے کم آمدنی والے خاندانوں کے طلبہ کے لیے ٹیوشن فیس معاف کر دی ہے۔
رپورٹ کے مطابق اس کے علاوہ ہارورڈ یونیورسٹی ایک لاکھ ڈالرز سے کم آمدنی والے خاندانوں کے طلبہ کے لیے رہائش اور ہیلتھ انشورنس کے اخراجات بھی خود برداشت کرے گی۔
جامعہ کی یہ پالیسی 26-2025 کے تعلیمی سال سے شروع ہوگی اور اس اقدام کا مقصد متوسط اور کم آمدنی والے خاندانوں تک تعلیم کو سستا اور ہر ایک کے لیے قابل رسائی بنانا ہے۔
