حیران کرتی تیز رفتار ترقی کے باعث اب دنیا میں پہلا تھری ڈی ریلوے اسٹیشن قائم ہونے جا رہا ہے اور وہ بھی صرف 6 گھنٹے کی قلیل مدت میں۔
غیر ملکی میڈیا کے مطابق دنیا میں پہلی بار ایک ریلوے اسٹیشن تھری ڈی پرنٹر کی مدد سے تعمیر کیا جا رہا ہے۔ یہ انقلابی ریلوے اسٹیشن جاپان میں تعمیر کیا جائے گا اور وہ بھی رواں ماہ صرف 6 گھنٹے کے مختصر وقت میں مکمل کیا جائے گا۔
رپورٹ کے مطابق دنیا کا پہلا تھری ڈی ریلوے اسٹیشن اوساکا شہر کے جنوب میں 60 میل دوری پر واقع علاقے Wakayama میں 108 اسکوائر فٹ رقبے پر پھیلے نئے ریلوے اسٹیشن کو تعمیر کیا جائے گا۔
اس کام کا آغاز 25 مارچ کو وہاں کے پرانے ریلوے اسٹیشن سے آخری ٹرین کے روانہ ہونے کے بعد ہوگا۔
جاپان ریلوے گروپ کی جانب سے جاری بیان میں بتایا گیا کہ ریلوے اسٹیشن کے لیے تعمیراتی سامان کو تھری ڈی پرنٹنگ ٹیکنالوجی سے تیار کیا جائے گا اور پھر اسے تعمیراتی مقام پر پہنچا کر 6 گھنٹوں کے اندر اسمبل کر دیا جائے گا۔
جاپان ریلوے کے بیان میں یہ واضح تو نہیں کیا گیا کہ ایک گمنام ریلوے اسٹیشن کو دنیا کے پہلے تھری ڈی ریلوے اسٹیشن کی تعمیر کے لیے کیوں منتخب کیا گیا۔ تاہم یہ بتایا گیا ہے کہ اس منصوبے سے ہمیں مستقبل میں ماحول دوست مٹیریل اور جدید ٹیکنالوجیز سے دیگر خطوں میں تعمیراتی منصوبوں کے لیے مدد ملے گی۔
