کیسپرسکی نے صارفین کو واٹس ایپ ہیک ہونے سے بچانے کے لیے ہدایات جاری کردیں۔
کیسپرسکی کا کہنا ہے کہ صارف کا میسجنگ ایپ اکاؤنٹ سائبر کرمنلز کے لیے بھی دلچسپی کا باعث ہو سکتا ہے۔ چوری شدہ واٹس ایپ اکاؤنٹس کو مختلف قسم کی مجرمانہ سرگرمیوں کے لیے استعمال کیا جاتا ہے، جن میں دھوکہ دہی، بلیک میلنگ سے لے کر مالی فراڈ کے لیے جدید ترین اسکیموں تک شامل ہیں۔
سائبر جرائم پیشہ افراد مسلسل واٹس ایپ اکاؤنٹس تلاش کرتے ہیں اور ان تک رسائی حاصل کرنے کے لیے مختلف طریقے استعمال کرتے ہیں۔
سائبر جرائم پیشہ افراد کے واٹس ایپ اکاؤنٹ پر کنٹرول حاصل کرنے کے دو طریقے ہیں: وہ ‘ لنکڈ ڈیوائس کی خصوصیت کا استعمال کرتے ہوئے کسی موجودہ اکاؤنٹ میں ایک اور ڈیوائس شامل کر سکتے ہیں یا وہ اکاؤنٹ کو اپنی ڈیوائس پر اس طرح دوبارہ رجسٹر کر سکتے ہیں جیسے صارف نے نیا فون خریدا ہو۔
پہلی صورت میں صارف معمول کے مطابق واٹس ایپ کا استعمال کرتا رہتا ہے، لیکن مجرموں کو تمام حالیہ گفتگو تک بھی رسائی حاصل ہوتی ہے۔ دوسری صورت میں، صارف اپنے ذاتی اکاؤنٹ تک رسائی کھو دیتا ہے۔ لاگ ان کرنے کی کوشش کرتے وقت واٹس ایپ اسے مطلع کرتا ہے کہ اکاؤنٹ پہلے سے ہی کسی اور ڈیوائس پر استعمال میں ہے اور حملہ آور اس کے بعد اکاؤنٹ کو کنٹرول کر سکتے ہیں۔
کیسپرسکی کے لیے پاکستان میں ٹیکنالوجی ایکسپرٹ حفیظ عزیز کا کہنا ہے کہ ‘فوری میسنجر میں اکثر ہماری زندگیوں اور رشتوں کے بارے میں ذاتی معلومات اور کام کے بارے میں تفصیلات شامل ہوتی ہیں بعض صورتوں میں اگر آپ کو کوئی غیر معمولی سرگرمی نظر آتی ہے جیسے کہ آپ نے جو پیغامات نہیں بھیجے ہیں یا اگر آپ کے دوست آپ کے اکاؤنٹ سے آنے والے عجیب و غریب پیغامات کے بارے میں شکایت کرتے ہیں تو یہ ضروری ہے کہ آپ کے فون کے دیگر تمام اقدامات کے علاوہ آپ کی پرائیویسی کی حفاظت کے لیے اقدامات کریں۔
آپ کے واٹس ایپ اسٹیٹس کی اپ ڈیٹ یا سوشل نیٹ ورکس کے ذریعے یا کال کر کے دوستں اور قریبی کو مطلع کریں۔
ہیک کیے گئے اکاؤنٹ سے آنے والے پیغامات پر بھروسہ نہ کرنے اور پیسے نہ بھیجنے کی تنبیہ بھی کریں۔ واٹس ایپ اکاؤنٹ ہیک ہونے سے بچنے کے لیے صارف کو چاہیے کہ وہ واٹس ایپ میں ڈبل تصدیق کو فعال کرے اور اپنا پن کوڈ یاد رکھے۔
اکاؤنٹ کی ریکوری کے لیے ایک بیک اپ ای میل ترتیب دیں، اگر آپ پہلے ہی ای میل ایڈریس شامل کر چکے ہیں تو اپنے ای میل اکاؤنٹ میں لاگ ان کریں اور اپنے پاس ورڈ کو مضبوط، منفرد میں تبدیل کریں۔
اسے محفوظ طریقے سے ذخیرہ کرنے کے لیے پاس ورڈ مینیجر کا استعمال کریں جیسے کیسپرسکی پاس ورڈ منیجر۔ اگر آپ کا اسمارٹ فون یا کمپیوٹر میلویئر سے متاثر ہے تو واٹس ایپ میں کسی بھی حفاظتی اقدامات کا کوئی فائدہ نہیں ہوگا۔ لہٰذا اپنے تمام آلات پر کیسپرسکی پریمیئم جیسے جامع تحفظ کو انسٹال کرنا یقینی بنائی۔
