واشنگٹن : امریکی محکمہ خارجہ کے ترجمان نے بانی پی ٹی آئی عمران خان سے متعلق سوال کا جواب دینے سے انکار کردیا۔
تفصیلات کے مطابق امریکی محکمہ خارجہ کی ترجمان ٹیمی بروس نے پریس بریفنگ کے دوران تحریک انصاف کے بانی سے متعلق سوال کیا گیا۔
تاہم امریکی ترجمان نے عمران خان سے متعلق سوال کا جواب دینے سے گریز کیا۔
ٹیمی بروس کا کہنا تھا کہ دوسرے ملک کے اندرونی معاملات پر بات نہیں ہوگی، معاملے پر چاہیں تو وائٹ ہاؤس سے بھی پوچھ لیں۔
مزید پڑھیں : سفری پابندی کی لسٹ، ترجمان امریکی محکمہ خارجہ نے وضاحت کردی
ترجمان نے کہا کہ ٹرمپ اور وزیرخارجہ نے واضح کیا ہے کہ امریکا کو اپنے پڑوسیوں کی پرواہ ہے، ہمیں اس بات کی فکر ہے کہ دنیا میں کیا ہو رہا ہے۔
اس کے علاوہ امریکی محکمہ خارجہ کی ترجمان نے امریکا میں داخلے پر پابندی کے لیے ملکوں کی فہرست بنانے کی تردید کر دی اور کہا کئی دنوں سے جس فہرست کا انتظار ہو رہا ہے اس کا کوئی وجود نہیں۔
