کراچی: بینظیر انکم سپورٹ پروگرام نے اعلان کیا ہے کہ مختلف نمبروں سے آنے والے انعامی پیغامات کا ان سے کوئی تعلق نہیں ہے۔
جاری کردہ بیان میں ادارے کا کہنا تھا کہ اس قسم کے پیغامات کہ جن میں پیغام وصول کرنے والے کو 25000 روپے جیتنے کی خوشخبری سنائی جاتی ہے ان سے بی آئی ایس پی کا کوئی تعلق نہیں ہے۔
اعلامیہ میں مزید کہا گیا کہ اس قسم کے پیغامات جعل ساز ذہن عوام کو دھوکہ دینے کے لئے پھیلاتت ہیں اور اس کے لئے وہ بی آئی ایس پی کا نام استعمال کررہے ہیں۔
ادارے نے عوام کو متنبہ کیا کہ اس قسم کے جعلی پیغام بھجنے والوں کو کسی قسم کی کوئی بھی ادائیگی نہ کریں۔
ادارے نے عوامی مفاد میں دو نمبر بھی عوام کو دئے ہیں کہ اگر انہیں کسی نمبر سے ایسے پیغامات موصول ہوں تو جعلسازوں کے نمبر مندرجہ ذیل موبائل نمبروں پر بھیج کر انہیں مطلع کیا جائے تاکہ ملزمان کے خلاف کاروائی کی جاسکے۔
مندرجہ ذیل نمبروں پر جعلسازوں کے نمبر فراہم کیے جاسکتے ہیں۔
0335-1058050
0335-1058051
