سعودی عرب کی وزارت اسلامی امور نے مملکت کے تمام ریجنز کی مساجد اور عیدگاہوں میں عیدالفطر کی نماز کے وقت کا اعلان کر دیا ہے۔
سعودی وزارت اسلامی امور نے مملکت کے تمام ریجنز کی مساجد اور عیدگاہوں میں عیدالفطر کی نماز کے وقت کا اعلان کرتے ہوئے ام القری کیلنڈر کے مطابق سورج طلوع ہونے کے 15 منٹ بعد نماز عید ادا کرنے کی ہدایت ہے۔
عید کی نماز عید گاہوں میں ادا کی جائے گی جبکہ بارش کی صورت میں مقرر کردہ مساجد میں نماز عید ہوگی۔
سبق ویب کے مطابق سعودی وزیر اسلامی امور ڈاکٹر عبدالطیف بن عبدالعزیز آل شیخ نے وزارت کی برانچز کو ایک سرکلر جاری کیا ہے جس میں تمام جامع مساجد اور عید گاہوں میں نماز کا اہتمام کرنے کے لیے کہا گیا ہے۔
سرکلر میں میٹنٹینس کمپنیوں کو عید الفطر کی نماز کے لیے تمام انتظامات اور ضروری خدمات مکمل کرنے کی بھی ہدایت کی گئی ہے۔
سعودی عرب، پاکستان سمیت متعدد اسلامی ممالک میں ’’عید‘‘ ایک ہی دن ہونے کا امکان
