کراچی: رمضان المبارک اختتام کی جانب گامزن ہے، ایسے میں عید قریب آتے ہی اے ٹی ایم سے پیسے نکلوانے والوں سے لوٹ مار بڑھ گئی۔
تفصیلات کے مطابق طارق روڈپر نجی بینک کے اے ٹی ایم میں لوٹ کی سی سی ٹی وی فوٹیج منظرعام پر آگئی ہے، شہری اے ٹی ایم سے رقم نکلوا کر باہر آیا تو مسلح ڈاکو بھی پہنچ گئے، ڈاکوؤں نے شہری سے رقم چھینی اور دوبارہ اے ٹی ایم سے پیسے نکلوانے کا کہا۔
اے ٹی ایم سے پیسے نکالتے ہوئے ہوشیار، کورنگی میں واردات کی فوٹیج سامنے آ گئی
پولیس کا کہنا ہے کہ کسی متاثر شہری کی جانب سے واقعے کی رپورٹ نہیں کرائی گئی، کسی متاثرہ شہری نے ون فائیو پولیس کو اطلاع دی نہ تھانے پہنچا۔
ایس پی جمشید ٹاؤن نے لوٹ مار کے واقعے کا نوٹس لےلیا ہے، انھوں نے حکم دیا کہ اگر واقعہ ضلع شرقی میں ہوا تو متاثرہ شخص تک رسائی ممکن بنائی جائے۔
