وزیراعظم شہباز شریف کا کہنا ہے کہ شرپسندی پھیلانے والے عناصر بلوچستان کی ترقی کے دشمن ہیں۔
اے آر وائی نیوز کے مطابق وزیراعظم شہباز شریف کی برکت مارکیٹ کوئٹہ میں دھماکے کی مذمت کی اور جاں بحق افراد کے لیے بلندی درجات، ان کے اہلخانہ کے لیے صبر کی دعا کی ہے۔
وزیراعظم نے زخمیوں کو بہترین طبی سہولتیں فراہم کرنے کی ہدایت کی اور دھماکے کی فوری تحقیقات کا حکم دیا۔
انہوں نے کہا کہ ذمہ داران کا تعین کرکے انہیں قرار واقعی سزا دی جائے، شرپسندوں کے ناپاک عزائم کو کبھی کامیاب نہیں ہونے دیں گے۔
شہباز شریف نے کہا کہ دہشت گردی کی عفریت کے خاتمے تک جنگ جاری رکھیں گے۔
کوئٹہ میں ڈبل روڈ پر پولیس موبائل کے قریب زور دار دھماکا ہوا ہے جس کے نتیجے میں 4 پولیس اہلکار زخمی ہوگئے۔
دھماکے کے باعث پولیس کی گاڑی کو شدید نقصان پہنچا ہے، ریسکیو ٹیمیں طلب کرلی گئیں ہیں۔
ریسکیو ذرائع کا کہنا تھا کہ دھماکے سے پولیس موبائل کے قریب کھڑی موٹرسائیکل میں آگ لگ گئی، دھماکے میں قریب گزرنے والی گاڑی اور دکانوں کوبھی نقصان پہنچا ہے۔
