ملتان: وائلڈ لائف ٹیم پر حملہ کرنے والے 8 مرکزی ملزمان کو گرفتار کر لیا گیا ہے۔
تفصیلات کے مطابق ڈائریکٹر جنرل محکمہ جنگلی حیات مدثر ریاض ملک کی قیادت میں کبوتر منڈی ملتان پر چھاپا مارا گیا، جس میں کبوتر منڈی میں پرندوں اور جنگلی جانوروں سے بھرے 8 ٹرک تحویل میں لے لیے گئے۔
غیر قانونی کاروبار کرنے والے مافیا کی جانب سے چھاپا مار ٹیم پر گزشتہ رات تھانہ لوہاری گیٹ کی حدود میں فائرنگ کی گئی، اور انھیں تشدد کا بھی نشانہ بنایا گیا، جس پر پولیس نے مزاحمت کرنے والے 8 ملزمان کو گرفتار کر لیا ہے، اور 40 سے زائد دکانیں سیل کر دی ہیں۔
کراچی میں مرغی کے گوشت کی قیمتوں کو ایک بار پھر پر لگ گئے
غیر قانونی برڈ ڈیلرز کے خلاف انسداد دہشت گردی کی دفعات کے تحت مقدمہ بھی درج کر لیا گیا ہے، جب کہ دیگر ملزمان کی گرفتاری کے لیے بھی چھاپے مارے جا رہے ہیں، مریم اورنگزیب نے اس حوالے سے ایک بیان میں کہا کہ جنگلی حیات کے تحفظ پر زیرو ٹالرنس پالیسی پر عمل جاری ہے۔
انھوں نے کہا پورے پنجاب سے غیر قانونی وائلڈ لائف منڈیاں ختم کر رہے ہیں، پنجاب کے کسی بھی حصے میں غیر قانونی منڈی لگنے کی اجازت نہیں دی جائے گی۔
