اسلام آباد: سینیٹ الیکشن میں کامیاب امیدواروں کیلئے انتخابی اخراجات کی تفصیل جمع کرانے کا آج آخری دن ہے، اخراجات کی تفصیل جمع نہ کرانے والے امیدواروں کی کامیابی کے نوٹیفکیشن جاری نہیں کیے جائیں گے۔
سینیٹ انتخابات میں کامیاب امیدواروں کی طرف سےانتخابی اخراجات کی تفصیلات جمع کرانےکا آج آخری دن ہے، الیکشن کمیشن کے مطابق انتخابی اخراجات کی تفصیلات جمع نہ کرانے والوں کی کامیابی کے نوٹیفکیشن جاری نہیں کئے جائیں گے۔
واضح رہے کہ سینیٹ الیکشن میں کامیاب ہونے والےامیدواروں کو پولنگ کے پانچویں روز تک انتخابی اخراجات کی تفصیلات جمع کرانے کی ہدایت کی گئی تھی۔
سینیٹ امیدواروں کے لئے الیکشن کمیشن نے انتخابی اخراجات کی حد پندرہ لاکھ روپے مقرر کی تھی ۔
الیکشن کمیشن کے مطابق سندھ، بلوچستان کے امیدواروں نے تفصیلات جمع کر ادی ہیں۔
