کراچی کنگز کے ہیڈ کوچ روی بوپارا ٹیم کی کامیابی کیلئے پرُامید ہیں۔
ایچ بی ایل پی ایس ایل 10 کیلئے کراچی کنگز کی تیاریاں شروع ہوگئی ہیں کراچی کنگز کے کھلاڑیوں نے حنیف محمد ہائی پرفارمنس سینٹر پر باقاعدہ ٹریننگ کا آغاز کیا ہے۔
کراچی کنگز کے ہیڈ کوچ روی بوپارا نے اسکواڈ جوائن کرلیا، جبکہ ٹیم کے نئے بولنگ کوچ شان ٹیٹ بھی کراچی پہنچ گئے ہیں۔
ہیڈکوچ نے ٹیم کو متوازن قرار دیتے ہوئے اچھی پرفارمنس کی امید ظاہر کی ہے۔ انہوں نے کہا کہ مجھےسلمان اقبال اور ٹیم مینجمٹ نےسپورٹ کیا ہے مجموعی طور پر اسکواڈ بہت متوازن ہے امید ہے کھلاڑی پہلےہی میچ سےاچھا پرفارم کریں گے۔
پی ایس ایل 10 کا آغاز 11 اپریل سے ہونا ہے۔ ٹورنامنٹ کے افتتاحی میچ میں دفاعی چیمپئن اسلام آباد یونائیٹڈ کا مقابلہ راولپنڈی کرکٹ اسٹیڈیم میں دو مرتبہ کی فاتح لاہور قلندرز سے ہوگا۔
ٹورنامنٹ چار شہروں کراچی، لاہور، ملتان اور راولپنڈی میں کھیلا جائے گا جس کا فائنل 18 مئی کو لاہور کے قذافی اسٹیڈیم میں شیڈول ہے۔ پی ایس ایل 10 کا میلہ 37 دن تک جاری رہے گا جس میں مجموعی طور پر 34 میچز کھیلے جائیں گے۔
