کراچی میں میٹرک امتحانات کے دوران انتظامیہ کی نااہلی سامنے آگئی۔
کراچی کے علاقے لیاری کے امتحانی سینٹر میں اضافی بچے آنے سے فرنیچر کم پڑ گیا، غازی گورنمنٹ اسکول میں طلباء زمین پر بیٹھ کر پرچہ دینے پر مجبور ہوگئے۔
دریاں بچھا کر طلباء کو پیپر دینے کے لیے بٹھایا گیا۔
لیاری میں 450 طالبعلموں کا مرکز تھا لیکن اسکول میں 150 اضافی طالب علموں کو بھیجا گیا جس کی وجہ سے فرنیچر کم پڑ گیا۔
انتظامیہ کی جانب سے ڈیکوریشن سے کرسیاں منگوائی گئیں لیکن کرسیاں نہ ملنے پر دریوں کا انتطام کیا گیا اور بچوں نے دریوں پر بیٹھ کر پرچہ حل کیا۔
ادھر لیاقت آباد کے امتحانی مرکز میں مبینہ طور پر طالبات کے بیگ چوری ہوگئے، پیپر دے کر نکلنے والی طالبات کا اسکول انتظامیہ سے جھگڑا ہوا۔
طالبہ کے بیگ مانگنے پر انتظامیہ نے بدتمیزی کی اور احتجاج کرنے پر طالبات کو دھکے دے کر اسکول سے باہر نکال دیا گیا۔
