لاہور: چڑیا گھر میں گرمی سے جانور مرنے لگے،ایک ہفتے کے دوران کئی نایاب جانور موت کے منہ میں چلے گئے۔
تفصیلات کے مطابق لاہور کے چڑیا گھر میں گرمی کی وجہ سے چند دن میں درجن سے سے زائد جانور اور پرندے جان کی بازی ہار گئے۔
افریقہ سے آئے نایاب ہرن بھی لقمہ اجل بن گئے جبکہ آئی بیکس مادہ ہرن بھی چل بسی۔ نیٹ ڈائریکٹر لاہور زو عاصم چیمہ نے کہا کہ جانور بھی موسمیاتی تبدیلیوں کے شکار ہوتے ہیں تاہم جانوروں کی ہلاکتوں کی مزید تحقیقات بھی کی جارہی ہے۔
زو انتظامیہ کا کہنا ہے کہ جانوروں اور شائقین کے لیے بہترین سہولیات فراہم کریں گے۔
دوسری جانب لاہور میں گرمی سے نڈھال ریچھ کو مری منتقل کردیا گیا، جلوپارک کے بھورے ریچھ کی ویڈیو سوشل میڈیا پر وائرل ہوئی تھی، جس کے بعد سینئرصوبائی وزیر مریم اورنگزیب نے نوٹس لیا۔
ریچھ کو فوری ریسکیو کرتے ہوئے پرفضا بانسرہ گلی وائلڈ لائف پارک مری پہنچا دیا گیا ہے، ماہرین کے مطابق ریچھ بوڑھا ہونے کی وجہ سے گرمی کی شدت برداشت نہیں کرسکتا ہے ۔
