سوشل میڈیا کمپنی میٹا کی زیرِ ملکیت مقبول میسجنگ پلیٹ فارم واٹس ایپ نے چیٹس، کالز اور چینلز پر صارفین کے تجربے کو مزید بہتر بنانے کیلیے نئے فیچرز متعارف کروا دیے۔
میڈیا رپورٹس کے مطابق واٹس ایپ کی نئی اپ ڈیٹس میں ریئل ٹائم گروپ انڈیکیٹرز، ری ایکشنز اور ایونٹ ٹولز میں بہتری اور اور آئی فون صارفین کیلیے مزید کنٹرول شامل ہیں جو بات چیت کو زیادہ مؤثر بناتی ہیں۔
گروپ چیٹس میں صارفین اب ایک لائیو انڈیکیٹر دیکھ سکتے ہیں کہ اس وقت کتنے ممبران آن لائن ہیں، یہ گروپ کے نام کے نیچے ظاہر ہوتی ہے۔
یہ بھی پڑھیں: واٹس ایپ پر کال کو بہتر بنانے کیلیے نئے فیچرز کی آزمائش
نوٹیفکیشن کی ایک نئی ترتیب (Notify for) صارفین کو تمام پیغامات کیلیے الرٹس یا صرف ہائی لائٹس جیسے کہ @ مینشن اور براہ راست جوابات کے درمیان انتخاب کرنے کی اجازت دیتی ہے۔
نئی اپ ڈیٹس میں ایونٹ مینجمنٹ سسٹم بھی شامل ہے جس کے تحت ایونٹس اب گروپ اور انفرادی چیٹ دونوں میں بنائے جا سکتے ہیں۔ صارفین دوسروں کو مدعو کرنے کے ساتھ ساتھ ایونٹس کیلیے تاریخیں، اوقار کار اور ایونٹس کو پن کر سکتے ہیں۔
واٹس ایپ کے نئے فیچرز میں ٹیپ ایبل ری ایکشنز بھی ہے جس سے صارفین اب فوری طور پر ردعمل پر ٹیپ کر کے جواب دے سکتے ہیں جو تیز رفتار گفتگو کو بہتر کرتا ہے۔
آئی فونز صارفین کو ایک نئی سہولت ملی ہے کہ (Scan document) کے ذریعے دستاویزات کو براہ راست واٹس ایپ سے اسکرین کیا جا سکتا ہے۔
آئی او ایس پر ویڈیو کالنگ کو بھی بہتر بنایا گیا ہے۔ صارفین قریب سے دیکھنے کیلیے کالز کے دوران زوم کر سکتے ہیں اور کسی دوسرے شخص کو جاری ون آن ون کال میں شامل کرنا اب اتنا ہی آسان ہے جتنا کہ چیٹ میں کال آئیکن کو ٹیپ کرنا۔
آئی فون صارفین اب میسجنگ پلیٹ فارم کو میسجنگ اور کالنگ کیلیے ڈیفالٹ ایپ کے طور پر بھی کر سکتے ہیں۔ اسے سیٹ کرنے کیلیے سیٹنگز میں ڈیفالٹ ایپس پر جائیں اور واٹس ایپ کو منتخب کریں۔
