پاکستان سپر لیگ (پی ایس ایل) کے 10ویں ایڈیشن کے آغاز سے قبل پشاور زلمی کو بڑا دھچکا لگ گیا۔
اسلام آباد میں پریکٹس سیشن کے دوران پاکستان سپر لیگ معروف فرنچائز پشاور زلمی کے کپتان بابر اعظم پریکٹس سیشن کے دوران انجری کا شکار ہوگئے۔
ویڈیو بھی منظرعام پر آئی ہے جس میں دیکھا جاسکتا ہے کہ بابر اعظم کو چلنے میں دشواری کا سامنا ہے۔
تربیتی سیشن کے دوران بابر کو گیند پاؤں پر لگی جس کے بعد انہیں ڈریسنگ روم تک جانے میں مشکلات پیش آرہی ہے۔
بابر اعظم کے انجرڈ ہونے کی ویڈیو سوشل میڈیا پر تیزی سے وائرل ہوگئی۔
پشاور زلمی اور بابر اعظم کے مداح ان کی جلد صحت یابی کے لیے دعا گو ہیں۔
واضح رہے کہ پشاور زلمی کی جانب سے بابر اعظم کی انجری سے متعلق کوئی بیان جاری نہیں کیا گیا ہے۔
واضح رہے کہ پی ایس ایل 10 کا آغاز کل سے ہوگا، پہلے میچ میں اسلام آباد یونائیٹڈ اور لاہور قلندرز کی ٹیمیں مدمقابل آئیں گی۔
