اسلام آباد: گنے کے پھوک سے پیدا ہونے والی بجلی سستی ہونے کا امکان ہے۔

اے آر وائی نیوز کے مطابق نوبگاس پاور پلانٹس نے ٹیرف میں کمی کے لیے نیپرا میں درخواست دائر کردی ہے جس پر 16 اپریل کو سماعت ہوگی۔

علاوہ ازیں 2 آئی پی پیز جو 2002 کی پاور پالیسی کے تحت لگے تھے انہوں نے بھی ٹیرف میں کمی کے لیے درخواست دائر کی ہے۔

بگاس کے پاور پلانٹس میں چنیوٹ پاور، المعیز انڈسٹری ودیگر شامل ہیں اس کے ساتھ ساتھ فاؤنڈیشن پاور کمپنی کی جانب سے بھی نیپرا میں درخواست دائر کی گئی ہے۔

وفاقی کابینہ نے ان آئی پی پیز کے ساتھ دسمبر 2024 اور جنوری 2025 میں نظرثانی معاہدے کی منظوری دی تھی۔

دوران سماعت بگاس پاور پلانٹس ان کے ورکنگ کیپٹل کمپوننٹ کو 50 فیصد کم کرنے کا معاملہ بھی زیر بحث آئے گا، فاؤنڈیشن پاور کے 0.90 انشورنس کیپ پر نظرثانی کا جائزہ لیا جائے گا۔