پاکستان کے مڈل آرڈر بیٹر عمر اکمل کا کہنا ہے کہ سنچری کرکے ڈریسنگ روم آیا تو وقار یونس نے تعریف کرنے کے بجائے کہا ٹیسٹ میں ٹی 20 کھیلنا شروع کردیا ہے۔
عمر اکمل نے کہا کہ جب وقار یونس نے ایسا کہا تو میں کامران اکمل کی طرف دیکھنے لگا کہ یہ کیا طریقہ ہے جب دوسرے ٹیسٹ میں آؤٹ ہوا تو پھر کہا کہ ہاں ٹی 20 کرکٹ تمہاری اب کدھر گئی، میں شکل دیکھ رہا ہوں کہ کوچنگ اسٹاف میرے ساتھ کیا کررہا ہے۔
انہوں نے کہا کہ نوجوان کھلاڑی کے ساتھ کوئی ایسا رویہ اختیار کرتا ہے۔
کرکٹر نے کہا کہ ’اب آج کی ٹیسٹ کرکٹ کو دیکھ لیں، یہ تین یا چار دن بھی نہیں چلتی۔‘
وکٹ کیپر بیٹر نے دعویٰ کیا کہ وقار یونس کے میرے بھائیوں کامران اکمل، عدنان اکمل کے ساتھ بھی کچھ مسائل تھے اور کھل کا کہا کہ یہ تینوں ٹیم کا حصہ کیوں ہیں۔
عمر اکمل نے کہا کہ میں نے اپنے کانوں سے سنا کہ کیا ساری کرکٹ یہ بھائی کھیلیں گے؟ ہیڈ کوچ ایسا بیان دیتے ہیں۔
انہوں نے کہا کہ وہ مجھ سے یہ بھی پوچھتے تھے کہ تم نے یہ جوتے کیوں پہن رکھے ہیں، میری کرکٹ پر توجہ دینے کے بجائے وہ ایسی چیزوں میں زیادہ دلچسپی لیتے تھے۔
تاہم عمر اکمل نے حمایت کرنے پر سینئر کھلاڑیوں کا شکریہ ادا کیا اور ان کا قدرتی کھیل کھیلنے کی حمایت کی۔
انہوں نے کہا کہ سینئر کھلاڑیوں نے مجھے بٹھا کر کہا کہ ان چیزوں کو نظر انداز کروں اور قدرتی کھیل کھیلوں، مجھے منفی سننے کے بجائے اپنا نیچرل کھیل کھیلنے کی تجویز دی۔
