پی ایس ایل فرنچائز ملتان سلطانز نے ہر چھکے پر ایک لاکھ روپے فلسطین کے متاثرہ بچوں کو دینے کا فیصلہ کیا ہے۔
ملتان سلطانز کے کپتان محمد رضوان نے ٹاس کے موقع پر کہا کہ بولرز کو ملنے والی ہر وکٹ پر بھی ایک لاکھ روپے چیریٹی کو دیں گے اور پورے پی ایس ایل سیزن میں یہ سلسلہ برقرار رہے گا۔
واضح رہے کہ اسرائیل غزہ میں جنگ بندی معاہدہ توڑنے کے بعد 500 بچوں کو شہید کرچکا ہے۔
18 مارچ کو اسرائیل کی جانب سے دوبارہ غزہ پر جارحیت کا آغاز کیا گیا تھا، اسرائیل حملوں میں بچے سمیت 6 افراد مزید شہید ہوگئے، 24 گھنٹوں میں شہید فلسطینیوں کی تعداد 20 ہوگئی۔
PSL 10- پی ایس ایل کی تمام خبریں
غزہ کے طفح محلے میں اسرائیلی حملے میں 2 بچوں سمیت 4 فلسطینی زخمی ہوگئے، غزہ کے شمالی حصے میں بیت لاحیہ کے الاترا ضلع میں بھی 2 فلسطینیوں کو شہید کیا گیا۔
خان یونس کے جنوب میں قزان نجار کے علاقے میں اسرائیلی ڈرون حملے میں فلسطینی شہید ہوئے۔
غزہ پر اسرائیلی جارحیت میں شہید فلسطینیوں کی تعداد 50 ہزار 912 ہوگئی، زخمی فلسطینیوں کی تعداد 1 لاکھ 15 ہزار 981 سے تجاوز کرگئی ہے۔
