راولپنڈی : شادی میں کھانا کھانے سے 200 افراد کی حالت غیر ہونے کی ابتدائی تحقیقات رپورٹ انکشافات سامنے آئے۔
تفصیلات کے مطابق شادی میں کھانا کھانے سے 200 افراد کی حالت غیر ہونے کی ابتدائی تحقیقات مکمل کرلی گئیں۔
ڈی جی فوڈ اتھارٹی عاصم جاوید کو ابتدائی رپورٹ پیش کردی گئی، ترجمان نے بتایا کہ فوڈ اتھارٹی نے کارروائی کرتے ہوئے کیٹرنگ یونٹ سیل کرکے ایک لاکھ روپے جرمانہ عائد کردیا۔
پروسیسنگ ایریامیں صفائی کے ناقص انتظامات، اور واٹر ٹینک واش روم میں تھا، پروسیسنگ ایریا میں ناقص کھلے مصالحے استعمال کیے جا رہے تھے۔
فوڈ اتھارٹی کا کہنا تھا تیار خوراک زمین پرتھا، یونٹ میں موجود اشیا کا ریکارڈ بھی نہیں پایا گیا۔
مزید پڑھیں : شادی میں کھانا کھانے کے بعد 250 سے زائد مہمان اسپتال جا پہنچے
فوڈ اتھارٹی نے لواحقین اور ڈاکٹرز سے ملاقات کی تاہم تمام افرادکی حالت خطرے سے باہر ہے۔
یاد رہے گذشتہ روز ڈھونگ کے علاقے میں شادی کی ایک تقریب میں مبینہ مضر صحت کھانا کھانےکے بعد 260 مہمانوں کی حالت غیر ہو گئی تھی۔
رپورٹ کے مطابق کھانا کھانے کے فوری بعد مہمانوں کو معدے میں درد اور متلی محسوس ہونے لگی تھی متاثر ہونے والوں میں خواتین اور بچے بھی شامل ہیں۔
