کراچی : انٹرمیڈیٹ کے طلبا کے لئے امتحانات کے حوالے سے اہم خبر آگئی، 28 اپریل سے امتحانات شروع ہوں گے یا نہیں؟
تفصیلات کے مطابق کراچی انٹر بورڈ میں چیئرمین کی عدم دستیابی سے انتظامی و امتحانی معاملات شدید متاثر ہیں، جس کے باعث کراچی میں امتحانات تاخیر سے شروع ہونے کا اندیشہ ہے۔
تقریبا پندرہ روز سے بورڈ میں کوئی چیئرمین تعینات نہیں کیا جاسکا ہے، سندھ بھر میں 28 اپریل سے گیارہویں و بارہویں جماعت کے امتحانات کا آغاز ہونا ہے
ذرائع بورڈ نے بتایا کہ کراچی کے طلبا کو تاحال نا امتحانی شیڈول ملا نا ایڈمٹ کارڈ فراہم کیے جاسکے ہیں جبکہ شہر بھر میں کتنے اور کونسے امتحانی مراکز قائم ہونگے فیصلہ نہیں ہوسکا۔
پارلیمانی کمیٹی کی جانب سے گیارہویں جماعت کے طلبا کو اضافی نمبرز دینے کے فیصلے پر عمل نہیں ہوسکا اور حکومت سندھ نے طلبا کو اضافی نمبرز دینے کا نوٹیفکیشن جاری نہیں کیا۔
ذرائع کا کہنا تھا کہ نوٹیفکیشن جاری ہونے کے بعد اضافی نمبرز دینے کا پروسیس کم ازکم 25 دن کا ہوگا۔
اضافی نمبرز کا فیصلہ پر عنل نہ ہونے سے طلبہ این ای ڈی یونیورسٹی میں داخلہ فارم جمع کرانے سے محروم ہیں، 20 مِئی این ای ڈی یونیورسٹی میں داخلہ فارم جمع کرانے کی آخری تاریخ ہے۔
