سعودی عرب میں آج 15 اپریل 2025 کو 24 قیراط سونے کی فی تولہ قیمت میں مسلسل اضافے کے بعد بڑی کمی ریکارڈ کی گئی۔
فاریکس ڈاٹ پی کے کے مطابق سعودی عرب میں 24 قیراط فی تولہ سونا مزید کمی کے بعد 4 ہزار 493 ریال ہوگیا جو گزشتہ روز 4 ہزار 548 تھا۔ سعودی عرب میں 10 گرام سونا 3 ہزار 857 ریال اور فی اونس 11 ہزار 995 ریال میں فروخت کیا جا رہا ہے۔
یہ بھی پڑھیں: زیادہ تر لوگ 18 قیراط سونا کیوں خرید رہے ہیں؟
امریکا اور چین کے درمیان جاری ٹیرف جنگ کی بدولت عالمی اور مقامی مارکیٹوں میں سونے کی قیمت میں مسلسل اتار چڑھاؤ کا شکار ہیں۔
گزشتہ روز پاکستان میں سونے کی قیمت میں تاریخ کی بلند ترین سطح کو چھونے کے بعد معمولی کمی دیکھی گئی۔
آل پاکستان جیمز اینڈ جیولر ایسوسی ایشن کے مطابق سونے کی فی تولہ قیمت میں 1800 روپے کی کمی ہوئی جس کے بعد نئی قیمت 3 لاکھ 38 ہزار 800 روپے ہوگئی۔ اسی طرح 10 گرام سونے کا بھاؤ 1543 روپے کم ہو کر 2 لاکھ 90 ہزار 466 روپے کا ہوا۔
گزشتہ روز عالمی مارکیٹ میں سونے کی قیمت میں 18 ڈالر کی کمی ریکارڈ کی گئی جس سے فی اونس سونے کی قیمت 3 ہزار 218 ڈالر تک آگئی
سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔
جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں، پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
