کراچی: ملک میں گزشتہ روز سونے کی قیمت میں معمولی کمی کے بعد آج پھر سے فی تولہ سونا مزید مہنگا ہوگیا۔

آل پاکستان جیمز اینڈ جیولرز ایسوسی ایشن کے مطابق فی تولہ سونا 600 روپے مہنگا ہو کر 3 لاکھ 39 ہزار 400 روپے کا ہوگیا۔

10 گرام سونا 514 روپے اضافے کیساتھ 2 لاکھ 90 ہزار 980 روپے کا ہوگیا جبکہ عالمی مارکیٹ میں سونا 6 ڈالر اضافے کے ساتھ 3224 ڈالر فی اونس کا ہوگیا۔

پاکستان میں آج ڈالر اور دیگر کرنسیوں کی قیمت:

واضح رہے کہ گولڈ خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔

اسے صدیوں سے کرنسی اور دولت کی شکل کے طور پر استعمال کیا جاتا رہا ہے، جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔

سعودی عرب میں سونے کی قیمت میں بڑی کمی

پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔