پشاور : کم آمدنی والے افراد بھی "احساس اپنا گھر اسکیم” سے اب اپنا گھر بنا سکیں گے تاہم کون کون اہل ہوگا۔

تفصیلات کے مطابق خیبرپختونخوا حکومت کا بڑا اقدام سامنے آیا، صوبے میں احساس اپنا گھر اسکیم کا آغاز کردیا گیا۔

کے پی حکومت نے گھروں کی تعمیر کیلئے 15 لاکھ روپے قرضہ دینے کا اعلان کیا ہے ، بلاسود قرضے کی واپسی 7سال کی آسان قسطوں میں ہوگی۔

ترجمان کا کہنا ہے کہ قرضے کی واپسی کیلئے قسط 18 ہزار روپے ماہانہ مقرر کی گئی، ماہانہ ایک لاکھ سے کم آمدن والے افراد قرضے کیلئے اہل ہوں گے۔

اسکیم کے لیے مجموعی طور پر 4 ارب روپے مختص کیے گئے ہیں، قرضے کےلئے آخری تاریخ 8 مئی مقرر کی گئی ہے۔

اہل ہونے کے لیے درخواست دہندگان کو درج ذیل معیارات پر پورا اترنا ضروری ہے:

کم از کم 100,000 روپے ماہانہ آمدنی ہو۔

زمین کے ایک ٹکڑے کا مالک ہو۔

18 سے 55 سال کی عمر کے درمیان ہو۔