خیبر پور: ٹھری میر واہ میں قتل کیے گئے صحافی اے ڈی شر کی ابتدائی میڈیکل رپورٹ میں اہم انکشاف سامنے آیا۔
تفصیلات کے مطابق خيرپور کے علاقے ٹھری میر واہ میں قتل کیے گئے صحافی اے ڈی شرکی ابتدائی میڈیکل رپورٹ جاری کردی گئی۔
صحافی اےڈی شرقتل کی میڈیکل رپورٹ ڈاکٹر عبدالباسط نے جاری کی ، جس میں بتایا کہ صحافی کےقتل سے پہلے بری طرح تشدد کا نشانہ بنایاگیا، مقتول صحافی کی گردن اورسرپرشدید وار کیے گئے۔
میڈیکل رپورٹ میں کہنا تھا کہ 15 سے 20 سینٹی میٹر گہرے زخم سر پر تھے، گردن کٹ چکی تھی جبکہ ایک زخم سے ناک کٹی اور دوسرا زخم چاقو کا تھا۔
مزید پڑھیں : خیرپور : صحافی اللہ ڈنو شر کے قتل میں ملوث 5 ملزمان گرفتار
ڈاکٹر عبدالباسط کا کہنا تھا کہ مزید سیمپل روہڑی لیبارٹری بھجوا دیئے گئے ہیں، مکمل رپورٹ میں پتہ چل سکے گا مقتول کو نشہ آور چیز تو نہیں دی گئی تھی۔
یاد رہے صحافی اےڈی شر قتل کیس میں 5 ملزمان گرفتار اور 2عبوری ضمانت پرہیں اور قتل کیخلاف پہلے روز سے سندھ بھرکےصحافی سراپا احتجاج ہیں۔
