لاہور : پنجاب میں تمباکو نوشی پر ٹیکسز لگانے کی قرارداد کثرت رائے سے منظور کرلی گئی۔
تفصیلات کے مطابق پنجاب اسمبلی اجلاس میں تمباکو نوشی پر ٹیکسز لگانے کی قرارداد کثرت رائے سے منظور کرلی گئی۔
قرارداد رکن پنجاب اسمبلی طاہرہ مشتاق نے ایوان میں پیش کی، جس میں کہا کہ نوجوانوں میں تمباکو کی مصنوعات کے بڑھتے استعمال کے رجحان کو روکا جائے۔
قرارداد میں کہا گیا کہ اس رجحان کو روکنے کیلئے تمباکوکی مصنوعات پراضافی صوبائی محصول عائد کیا جائے۔
متن میں کہنا تھا کہ تمباکونوشی کےانسدادی قوانین پر تعلیمی اداروں میں مؤثرعمل درآمد یقینی بنایا جائے، نوجوان نسل کو تمباکو نوشی کے مضر اثرات سے محفوظ رکھا جائے۔
خیال رہے پاکستان میں تمباکو نوشی کی لت میں ہر سال اضافہ ہورہا ہے، ایک سروے کے مطابق یومیہ چھ سے پندرہ سال تک کی عمر کے قریب بارہ سو پاکستانی بچے تمباکو نوشی شروع کردیتے ہیں۔
