امریکی سفارت خانے کے وفد نے بدھ کے روز اڈیالہ جیل راولپنڈی کا دورہ کیا وفد میں مائیکل پیٹرک کے علاوہ دو خواتین بھی شامل تھیں۔
اے آر وائی نیوز کےمطابق امریکی سفارت خانے کے وفد نے بدھ کے روز اڈیالہ جیل کا دورہ کیا۔ وفد میں مائیکل پیٹرک کے علاوہ دو خواتین بھی شامل تھیں۔
امریکی سفارتخانے کے وفد کو جیل میں قید امریکی نژاد ظاہر ذاکر تک قونصلر رسائی دی گئی اور ڈپٹی سپرنٹنڈنٹ کے دفتر میں وفد کی قیدی سے ملاقات کرائی گئی۔
جیل ذرائع کا کہنا ہے کہ اس ملاقات کا مقصد صرف امریکی شہری کی خیریت دریافت کرنا اور اس کو قانونی مدد فراہم کرنا تھا۔
