کراچی : لیاقت آباد کے نالے ملنے والی 5 سالہ بچی سویرا کی لاش کے پوسٹ مارٹم میں بڑا انکشاف سامنے آیا۔
تفصیلات کے مطابق کراچی کے علاقے لیاقت آباد کے نالے سے 5سالہ بچی کی لاش ملنے کے واقعے میں اہم پیش رفت ہوئی۔
پولیس سرجن ڈاکٹر سمعیہ نے بتایا کہ سویرا کا پوسٹمارٹم مکمل کرلیا ہے اور پوسٹ مارٹم میں بچی سے جنسی زیادتی کی تصدیق ہوگئی ہے۔
ڈاکٹر سمعیہ کا کہنا تھا کہ جسمانی نمونےکیمیائی تجزیاتی رپورٹ کیلئے لیب بھیجےہیں، حتمی طور پرکیمیائی تجزیاتی رپورٹ آنےکےبعد مزید تفصیلات سامنے آئیں گی۔
یاد رہے بچی کی لاش گزشتہ روز لیاقت آباد میں ندی سے ملی تھی، اہلخانہ کا کہنا ہے منگل کے روز بچی گلی میں کھیلتے ہوئے لاپتہ ہوئی تھی اور سی سی ٹی وی سےپتہ چلا بچی کو عورت اغواکر کے لے گئی۔
پولیس حکام کا کہنا تھا کہ بچی کی لاش ناقابل شناخت تھی، جس کو بہن نے بالوں سے پہچانا، بچی سچل کے علاقے سکندر گوٹھ کی رہائشی تھی اور منگل کو لاپتا ہوئی تھی، بچی کی گمشدگی کا مقدمہ بھی درج کیا گیا تھا۔
مزید پڑھیں : لیاقت آباد میں ندی سے 5 سالہ بچی کی لاش برآمد
سویرا کی المناک موت پر لواحقین غم و غصہ کا شکار ہیں، والدین کا کہنا ہے کہ بچی کی بروقت تلاش کے لئے اقدامات ہوجاتے تو شاید یہ دن نہ دیکھنا پڑتا۔
پولیس نے سویرا کے رہائشی علاقے سکندر گوٹھ کی مختلف گلیوں سے سی سی ٹی وی فوٹیجزبھی حاصل کرلی ہیں
بچی کی والدہ کا بتانا تھا کہ گھروں میں کام کرتی ہوں،صبح 8بجےچلی گئی تھی، جب کام پر گئی تومیری5سال کی بیٹی سویرا گھر پرموجودتھی، صبح 11 بجے سویرا گھر کے باہرگلی میں دوسرےبچوں کےساتھ کھیلنے گئی، ڈھائی سے3بجے کےدرمیان شوہراٹھاتوبیٹی سویرا گھر پر موجود نہیں تھی، شام میں 4 بجے گھر واپس لوٹی تو شوہر اوررشتہ داروں کےساتھ بچی کو تلاش کیا۔
