ترجمان پختونخوا حکومت بیرسٹر سیف نے کہا ہے کہ مائنز اینڈ منرلز بل پر وفاقی ڈکٹیشن لینے کا سوال ہی پیدا نہیں ہوتا۔
مشیر اطلاعات خیبر پختونخوا ڈاکٹر سیف نے وفاقی وزیر پیٹرولیم کے بیان پر سخت ردعمل کا اظہار کرتے ہوئے کہا کہ انہوں نے نجی ٹی وی پروگرام میں وزیر اعلیٰ خیبر پختونخوا پر جھوٹے اور من گھڑت الزامات لگائے ہیں۔
بیرسٹر سیف نے کہا کہ وزیر اعلیٰ خیبر پختونخوا نے مائنز اینڈ منرلز بل کے حوالے سے کسی کاغذ پر دستخط نہیں کیے، اس حوالے سے وفاق کے ساتھ کسی قسم کا معاہدہ نہیں ہوا ہے، وفاقی وزیر اپنے بیان کا ثبوت دیں، وگرنہ ان کے خلاف قانونی چارہ جوئی کا حق رکھتے ہیں۔
انہوں نے کہا کہ وزیر اعلیٰ کےپی پر جھوٹے الزامات لگانے پر قانونی چارہ جوئی کرینگے، مائنز اینڈ منرلز بل خیبر پختونخوا کے مفادات کو مد نظر رکھ کر بنایا گیا ہے، کےپی حکومت نے صوبے کے عوام کے مفادات کیلئے قانون سازی کی۔
