بالی ووڈ اداکارہ سوناکشی سنہا اور ان کے شوہر ظہیر کے درمیان طلاق کی پیشگوئی کرنے والے ٹرولر کو اداکارہ نے آڑے ہاتھوں لے لیا۔
بالی ووڈ اداکارہ سوناکشی سنہا اپنے سخت رویے اور جرات مندانہ شخصیت کی وجہ سے جانی جاتی ہیں، گزشتہ سال وہ ایک نجی تقریب میں اپنے دیرینہ بوائے فرینڈ ظہیر اقبال کے ساتھ شادی کے بندھن میں بندھنی۔
اداکارہ بین المذاہب شادی کے بعد سے کئی آن لائن ٹرولز کا نشانہ بنی ہیں، تاہم سوناکشی نے واضح کیا ہے کہ وہ کسی قسم کی نفرت برداشت نہیں کریں گی۔
بھارتی میڈیا کے مطابق حال ہی میں اداکارہ کی تصویر پر ایک شخص نے لکھا کہ آپ کی طلاق آپ کے بہت قریب ہے جس پر سوناکشی نے غصے میں بھڑکتا ہوا جواب دیا۔
View this post on Instagram
بھارتی میڈیا کے مطابق ادکارہ سوناکشی سنہا نے جواب میں لکھا کہ’ پہلے تیرے ممی پاپا کریں گے پھر ہم وعدہ۔’
اس کمنٹ سے قبل سوشل میڈیا پوسٹ پر سنی کمار نامی شخص نے ظہیر اقبال کو بظاہر تضحیک کا نشانہ بنایا اور انھیں پاگل کہا تھا جس پر ان کی اہلیہ سوناکشی سنہا بھڑک اٹھیں اور اسے اپنے کام سے کام رکھنے کا مشورہ دیتے ہوئے بے روزگار بھی کہہ ڈالا تھا۔
سوشل میڈیا صارف نے لکھا کہ "امید نہیں تھی اس پاگل سے شادی کروگی” اس پر سوناکشی سنہا غصے میں آگئیں، انھوں نے سنی کمار کو کرارا جواب دیتے ہوئے لکھا کہ "اے تو ہے کون جو تیری امید سے اپنی لائف جیوں؟، بے روزگار بھاگ یہاں سے”۔
