لاہور: ٹک ٹاکر کاشف ضمیر کے خلاف ایک اور مقدمہ درج ہو گیا۔
تفصیلات کے مطابق لاہور میں ٹک ٹاکر کاشف ضمیر کے خلاف ایک اور مقدمہ درج کر لیا گیا ہے، ملزم کے خلاف مقدمہ کوٹ لکھپت میں امتیاز خان کی مدعیت میں امانت میں خیانت کی دفعات کےتحت درج کیا گیا ہے۔
ایف آئی آر کے مطابق امتیاز خان نے دعویٰ کیا ہے کہ اس نے کاشف ضمیر کو دوستی میں امانتاً 4 لاکھ اور پھر 2 لاکھ روپے دیے، کاشف ضمیر نے اپنی ماں کے علاج کے لیے ایک لاکھ 67 ہزار روپے لیے۔
سوشل میڈیا پر پولیس یونیفارم کی تضحیک، ٹک ٹاکر کاشف ضمیر، پولیس اہلکار کے خلاف مقدمات درج
ایف آئی آر میں کہا گیا ہے کہ کاشف ضمیر 2020 میں اپنا موبائل نمبر بند کر کے بیرون ملک چلا گیا، اس کے بعد 2024 میں ایک شاپنگ مال میں کاشف ضمیر سے ملاقات ہوئی، جب میں نے رقم کا تقاضا کیا تو کاشف نے میری ایک گاڑی کلیئر کرانے کا جھانسہ دیا، تاہم اس نے نہ تو گاڑی کلیئر کرائی نہ پیسے لوٹائے۔
