کراچی سمیت ملک بھر میں آج مسیحی برادری نے ایسٹر کا تہوار مذہبی جوش و خروش سے منایا۔ مسیحی برادری نے رنگ برنگے کپڑوں میں ملبوس ہو کر شہر کے مختلف گرجا گھروں میں منعقدہ دعائیہ تقریبات میں شرکت کی۔
سال کے چالیس روزوں کے اختتام پر ایسٹر کا تہوار منایا جاتا ہے، جسے کراچی کی مسیحی برادری نے بھرپور جوش و جذبے سے منایا، گھروں میں خصوصی عبادات کا سلسلہ رہا۔
مسیحی برادری نے ایسٹر کو خوشیوں کا پیغام قرار دیا، کراچی کے سینٹرل بروکس میموریل سمیت مخلتف گرجا گھروں میں مسیحی برادری نے خصوصی عبادات کا انعقاد کیا، جہاں بڑی تعداد میں مرد، خواتین اور بچوں نے شرکت کی۔ دعائیہ تقریب کے بعد مسیحی برادری نے ایک دوسرے کو گلے مل کر ایسٹر کی مبارک باد دی۔ گرجا گھروں میں عبادت کے بعد مسیحی برادری نے اپنے گھروں میں نت نئے کھانوں کے پروگرام بھی مرتب کر رکھے ہیں۔
