شجاع آباد میں ٹک ٹاکر شہزاد حکیم کی ایس ایچ او کے ہمراہ ویڈیو سشل میڈیا پر وائرل ہوگئی۔
تفصیلات کے مطابق پنجاب کے شہر شجاع آباد میں ٹک ٹاکر شہزاد حکیم نے تھانے کو ٹک ٹاک اسٹوڈیو بنا دیا جس کی ویڈیو سوشل میڈیا پر وائرل ہورہی ہے۔
وائرل ویڈیو میں دیکھا جاسکتا ہے کہ ٹک ٹاکر شہزاد نے ویڈیوز تھانہ سٹی میں ایس ایچ او کے کمرے میں بنا کر وائرل کی، ٹک ٹاکر نے ایس ایچ او تھانہ سٹی شیر محمد پاشا کیساتھ ویڈیو بنا کر وائرل کی ہے۔
واضح رہے کہ گزشتہ دنوں لاہور پولیس نے سوشل میڈیا پر وائرل ویڈیو میں شادی کی تقریب میں ٹک ٹاکر کاشف ضمیر کو باوردی پروٹوکول اور کرنسی نوٹوں کا تھال پکڑنے والے پولیس اہلکار محمد کاشف اور ٹک ٹاکر کاشف ضمیر کو گرفتار کر لیا تھا۔
لاہور پولیس نے اس معاملہ میں پولیس کی وردی کا تمسخر اڑانے اور محکمے کو بدنام کرنے کے دو مختلف مقدمات درج کیے ہیں۔
ایف آئی آر کے مطابق کاشف ضمیر نے پولیس کی وردی پہنے اہلکار کے ہمراہ سوشل میڈیا پر ویڈیوز اور تصاویر شیئر کیں جن میں قانون نافذ کرنے والے ادارے کی ساکھ مجروح کرنے والی حرکات کی گئیں۔
