امریکی نائب صدر جے ڈی وینس اپنی بھارتی نژاد اہلیہ اُوشا اور 3 بچوں کے ہمراہ بھارت کے دورے پر دہلی پہنچ گئے۔
غیر ملکی ذرائع ابلاغ کے مطابق امریکی نائب صدر جے ڈی وینس کا فیملی کے ہمراہ پالَم ٹیکنیکل ایئر پورٹ پہنچنے پر یونین وزیر اشونی ویشنو نے استقبال کیا۔
امریکی نائب صدر کے دونوں بیٹوں نے دورہ بھارت کے دوران کرتا پاجامہ جبکہ بیٹی انارکلی سوٹ میں ملبوس تھی، جو بھارتی ثقافت سے جڑے ان کے احترام اور محبت کا اظہار تھا۔
امریکی نائب صدر کا یہ دورہ بھارت اور امریکا کے درمیان بڑھتے ہوئے تعلقات کا مظہر ہے۔
اس سے قبل چین نے امریکی نائب صدر جے ڈی وینس کی جانب سے چینی شہریوں کو”گنوار“ کہنے کے بیان کو جاہلانہ قرار دے دیا۔
امریکی ٹی وی پر انٹرویو میں وینس نے کہا تھا کہ بین الاقوامی معیشت نے امریکا کو سمجھ کیا رکھا ہے، امریکا بہت زیادہ قرض لے کر وہ چیزیں خریدے جو دوسرے ممالک ہمارے لیے بناتے ہیں۔
امریکی نائب صدر کا کہنا تھا کہ ہم چین کے گنواروں سے رقم ادھار لیتے ہیں تاکہ وہ چیزیں خرید سکیں جو چین کے گنوار تیارکرتے ہیں۔
روس اور یوکرین رواں ہفتے معاہدہ کر لیں گے، ڈونلڈ ٹرمپ
چین نے امریکا کے نائب صدر کے بیان کو جاہلانہ قرار دیتے ہوئے کہا امریکی نائب صدر کے تبصرے حیران کن اور افسوسناک ہیں۔
