پی ایس ایل 10 میں کوئٹہ گلیڈی ایٹرز کے مینٹور ویوین رچرڈز نے پاکستان کو اپنا دوسرا گھر قرار دے دیا۔
ویسٹ انڈین لیجنڈ ویوین رچرڈز نے پاکستانیوں اور ٹورنامنٹ سے وابستہ لوگوں کی تعریف کرتے ہوئے کہا کہ یہ میرا دوسرا گھر ہوسکتا ہے کیونکہ میں یہاں واقعی لطف اندوز ہوتا ہوں۔
انہوں نے کہا کہ ہمارے پاس پی ایس ایل میں شاندار لوگ موجود ہیں، یہ بہترین جگہ ہے۔‘
PSL 10- پی ایس ایل کی تمام خبریں
کوئٹہ گلیڈی ایٹرز کی کارکردگی پر گفتگو کرتے ہوئے انہوں نے کہا کہ ٹیم اپنے آنے والے میچز جیتنے کے لیے پرعزم ہے۔
View this post on Instagram
واضح رہے کہ پاکستان سپر لیگ کے 10ویں ایڈیشن کا آغاز 11 اپریل کو راولپنڈی کرکٹ اسٹیڈیم میں دفاعی چیمپئن اسلام آباد یونائیٹڈ کا افتتاحی میچ لاہور قلندرز سے ہوگا۔
لاہور کا قذافی اسٹیڈیم 13 میچوں کی میزبانی کرے گا، جس میں ایلیمینیٹر اور گرینڈ فائنل دونوں شامل ہیں۔
راولپنڈی کرکٹ اسٹیڈیم میں 11 میچز ہوں گے جن میں 13 مئی کو پہلا کوالیفائر بھی شامل ہے جبکہ کراچی کا نیشنل بینک اسٹیڈیم اور ملتان کرکٹ اسٹیڈیم پانچ پانچ میچوں کی میزبانی کرے گا۔
کوئٹہ گلیڈی ایٹرز نے اپنے پہلے میچ میں پشاور زلمی کو شکست دے کر مہم کا آغاز کیا۔ تاہم وہ اپنے اگلے دو میچ بالترتیب لاہور قلندرز اور کراچی کنگز سے ہار گئے۔
