ایک نوجوان اپنے پیارے پالتو طوطے کو بلی سے بچا رہا تھا لیکن بلی سے بچانے کے چکر میں وہ اپنے طوطے کو ہی مار بیٹھا۔
طوطا ایک خوبصورت پالتو جانور ہے لیکن بلی طوطے کی دشمن۔ ایک گھر میں بلی پنجرے سے باہر پالتو طوطے پر حملہ آور ہوئی اور نوجوان جب اسے بچانے کے لیے گیا تو غیر ارادی طور پر اپنے ہی طوطے کی جان لے بیٹھا۔
یہ واقعہ چین میں پیش آیا جہاں گھر کے لان میں پالتو طوطا پنجرے سے باہر موجود تھا۔ شکار کو یوں پنجرے سے آزاد دیکھ کر بلی کے منہ میں شاید پانی بھر آیا اور وہ اس کا شکار کرنے کے لیے دوڑ پڑی۔
اس پالتو طوطے کا مالک نوجوان قریب ہی موجود تھا۔ جب اس نے بلی کو طوطے پر لپکتی ہوئے دیکھا تو بلی پر بجلی کی پھرتی سے چپل زور سے پھینک کر ماری۔
تاہم شومئی قسمت کہ چپل کی زد میں بلی تو نہ آئی مگر طوطا اپنے مالک کا یہ زوردار وار نہ سہہ سکا اور موقع پر ہی ہلاک ہو گیا۔
بلی تو وہاں سے بھاگ گئی لیکن بے چارا نوجوان اپنے پالتو اور پیارے طوطے کا یہ حال دیکھ کر سر پکڑ کر بیٹھ گیا۔
