سعودی عرب میں آج 22 اپریل 2025 کو 24 قیراط سونے کی فی تولہ قیمت مسلسل اتار چڑھاؤ کے بعد مستحکم ہے۔
فاریکس ڈاٹ پی کے کے مطابق سعودی عرب میں 24 قیراط فی تولہ سونا بغیر کسی تبدیلی کے 4 ہزار 675 ریال کا ہے۔ مملکت میں 10 گرام سونا 4 ہزار 13 ریال اور فی اونس 12 ہزار 481 ریال میں فروخت کیا جا رہا ہے۔
امریکا اور چین کے درمیان جاری ٹیرف جنگ کی وجہ سے عالمی اور مقامی مارکیٹوں میں سونے کی قیمت میں مسلسل اتار چڑھاؤ دیکھا جا رہا ہے۔ غیر یقینی معاشی صورتحال کے باعث لوگ زیادہ سے زیادہ سونا خریدنے کی کوشش کر رہے ہیں۔
یہ بھی پڑھیں: سال 2025 میں پاکستان میں سونے کے نرخ میں کتنا بڑا اضافہ ہوا؟
آج پاکستانی اوپن مارکیٹ میں سعودی ریال کی قدر میں اضافہ دیکھا گیا، ایک ریال 74.85 پاکستانی روپے کے برابر ہے۔
فاریکس ایسوسی ایشن آف پاکستان کے مطابق کاروباری ہفتے کے دوسرے دن ریال کی فروخت کی شرح مستحکم ہے اور یہ 75.39 روپے میں فروخت ہو رہا ہے۔
سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔ اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔
جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں، پاکستان میں گذشتہ برس سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
