وزیر اعلیٰ پنجاب مریم نواز نے صوبے کے مختلف شہروں میں ماحول دوست الیکٹرک بسیں چلانے کی منظوری دے دی گئی ہے۔
اے آر وائی نیوز کے مطابق وزیر اعلیٰ پنجاب مریم نواز کی زیر صدارت پنجاب کابینہ کا 25 واں اجلاس ہوا جس میں صوبے سے متعلق اہم فیصلوں کی منظوری دی گئی جس میں کاشتکاروں سے متعلق بھی اہم فیصلے کیے گئے۔
اجلاس میں پنجاب کے مختلف شہروں میں ماحول دوست الیکٹرک بسیں چلانے کی منظوری دی گئی اور وزیراعلیٰ مریم نواز نے راجن پور میں بھی الیکٹرک بس سروس شروع کرنے کی ہدایت کی۔
اس کے علاوہ اجلاس میں فلور ملز کیلیے 25 فیصد گندم خریداری یقینی بنانے کیلیے فوڈ گرینز لائسنسنگ کنٹرول آرڈر میں ترمیم کی منظوری دی گئی اور کابینہ نے متنبہ یا کہ 25 فیصد لازمی گندم خریدارنی نہ کرنے والی فلور ملز کے لائسنس منسوخ ہو سکتے ہیں۔
کابینہ نے گندم کے کاشتکاروں کے حقوق کے تحفظ کے لیے ویٹ سیکٹر کی ڈی ریگولیشن اور الیکٹرانک ویئر ہاؤس ری سیٹ سسٹم کے نفاذ کی تجویز کی بھی منظوری دی گئی۔ کاشتکار کو گندم اسٹور کرنے کی سہولت ملے گی اور اسٹوریج اخراجات حکومت برادشت کرے گی۔
کابینہ اجلاس میں 15 لاکھ کارکنوں، مزدوروں اور ورکرز کیلیے سب سے بڑا راشن کارڈ متعارف کرانے کا اصولی فیصلہ کیا گیا۔ اس راشن کارڈ کے ذریعہ 10 ہزار روپے ماہانہ امداد دی جائے گی۔
اس کے علاوہ پنجاب میں چاول کے کاشتکاروں کیلیے اہم فیصلے کی منظوری دی گئی اور چین کے ادارے اور ایوب ایگریکلچرل ریسرچ انسٹیٹیوٹ فیصل آباد میں ایم او یو بھی منظور کیا گیا۔ چین کا ادارہ پنجاب میں چاول کا ہائبرڈ بیج متعارف کرانے کے لیے معاونت کرے گا۔
چلڈرن لائبریری کمپلیکس لاہور کے قواعد و ضوابط میں ترمیم کی منظوری دی گئی۔ اس کمپلیکس میں پاکستان کا پہلا نواز شریف ارلی ایجوکیشن سینٹر آف ایکسی لینس قائم ہوگا۔
اجلاس میں چنگ چی رکشوں کو ریگولیٹ کرنے کیلیے پنجاب موٹر وہیکل رولز 1969 میں ترامیم، ادویات و ڈرگ کی خریداری کی مد میں واجبات ادائیگی کیلیے اضافی فنڈزکی فراہمی، ٹریژری کیئر اسپتالوں کیلیے فرنیچر و آلات خریداری کیلیے فنڈز کی فراہمی کی منظوری دی گئی جب کہ وزیر اعلیٰ پنجاب نے اسپتالوں میں فرنیچر اور طبی آلات کی خریداری کیلیے مطلوبہ فنڈز فراہم کرنے کا حکم بھی دیا۔
