کراچی: وزیراعلیٰ سندھ نے وزیراعظم کے اعلان کے بعد کینالز تنازعہ پر احتجاج کرنیوالوں سے دھرنا ختم کرنے کی اپیل کردی۔
وزیراعلیٰ سندھ مراد علی شاہ نے کینالز کے خلاف دھرنا دینے والوں سے کہا کہ مظاہرین سے اپیل ہے کہ دھرنا ختم کریں، وفاقی حکومت نے سندھ کا موقف مان لیا ہے، متنازع کینالز کا منصوبہ ختم ہوگیا ہے۔
وزیراعلیٰ سندھ مراد علی شاہ نے مزید کہا کہ متنازع کینال منصوبوں کا تنازع حل ہوگیا ہے دھرنا ختم کریں، وزیراعظم شہباز شریف نے پیپلزپارٹی کا مؤقف اصولی طور پر تسلیم کرلیا۔
انھوں نے کہا کہ بلاول بھٹو کی قیادت میں سندھ کے مؤقف کی فتح ہوئی ہے، مشترکہ مفادات کونسل میں سندھ کا کیس بھرپوراندازمیں رکھیں گے۔
مرادعلی شاہ نے کہا کہ جب تک پیپلزپارٹی ہے سندھ کے پانی کا ایک قطرہ کسی کو نہیں دیا جائےگا، نہروں کے معاملے پر آفیشل اعلان آگیا، اب احتجاج ختم ہونا چاہیے۔
انھوں نے کہا کہ پیپلزپارٹی نے جمہوری طریقہ اختیار کیا، انتشار کی سیاست والے ناکام ہوگئے، سی سی آئی میں 2 مئی کو نہروں کا معاملہ واپس ہوجائےگا۔
وفاقی حکومت کینال بنانے کا فیصلہ واپس لینے پر راضی، ذرائع کا بڑا انکشاف
آج شام وزیراعظم شہباز شریف نے کینا تنازعہ پر احتجاج کے بعد واضح کیا ہے کہ باہمی رضامندی کے بغیر مزید کوئی نہر نہیں بنائی جائے گی۔
وزیراعظم نے بلاول بھٹو کیساتھ نیوز کانفرنس کرتے ہوئے کہا کہ نہروں کے معاملے پر پیپلزپارٹی وفد کیساتھ بات چیت ہوئی، فیڈریشن اور صوبوں کے درمیان معاملات بات چیت کے ذریعے حل کریں گے۔
