نیویارک : سکھوں کی عالمی تنظیم سکھ فارجسٹس کے رہنما گرپتونت سنگھ کا کہنا ہے بھارتی فوج میں موجود سکھ سپاہی پاکستان کیخلاف نہ لڑیں۔

تفصیلات کے مطابق سکھوں کی عالمی تنظیم سکھ فارجسٹس کے رہنما گرپتونت سنگھ نے ایک پیغام جاری کیا۔

جس میں سکھ رہنما نے کہا کہ بھارتی فوج میں موجودسکھ سپاہی پاکستان کیخلاف نہ لڑیں، سکھ فوجی مودی کی پاکستان کےخلاف جنگی جنگ سے انکارکردیں۔

گرپتونت سنگھ کا کہنا تھا کہ بی جےپی کےہندوتواایجنڈےکوحاصل کرنےکےلیےسکھ سپاہیوں کوپاکستان کےخلاف ہتھیار کے طور پر استعمال کیا جا رہا ہے ، مودی کی جنگی جنگ کو نہ کہو، پاکستان کے خلاف مت لڑو۔

انھوں نے کہا کہ پاکستان سکھ برادری کیلئے ایک دوستانہ ملک ہے اور اس نے ہمیشہ سکھوں کی حمایت کی۔

سکھ فارجسٹس کے رہنما کا مزید کہنا تھا کہ مودی حکومت نے 13 اپریل 2025 کو خالصہ سجنا ڈیہارا نگر کیرتن کے دوران سری نگر کے چننا پورہ میں سکھوں کے قتل عام کی بھی منصوبہ بندی کی تھی، مودی حکومت نے این ایس اے اجیت ڈوول کے ساتھ مل کر پہلگام ہندو قتل عام کو انجام دیا۔

25 سال قبل چھتیس سنگھ پورہ میں سکھوں کا قتل عام ہوا، جس کے پیچھے مبینہ طور پر بھارتی فوج کی منصوبہ بندی تھی۔ خالصتان تحریک کے رہنما گرپتونت سنگھ پنوں نے انکشاف کیا کہ یہ واقعہ بی جے پی حکومت کے دور میں اُس وقت پیش آیا جب امریکی صدر بل کلنٹن بھارت کے دورے پر تھے۔

خالصتان تحریک کے سربراہ کے مطابق، بل کلنٹن کی موجودگی کے دوران پانچ بے گناہ مقامی افراد کو پاکستانی دہشتگرد قرار دے کر قتل کیا گیا۔ بعد ازاں 2006 میں سی بی آئی نے تسلیم کیا کہ وہ افراد بے گناہ تھے۔

تحریک کے مطابق بھارتی فوج کے سابق کیپٹن راٹھور نے امریکہ میں پنوں کے دفتر میں ملاقاتوں کے دوران انکشاف کیا کہ وہ خود چھتیس سنگھ پورہ آپریشن کا حصہ تھا اور اس نے بتایا کہ:

• انہیں سکھوں کو قتل کرنے کے احکامات ملے تھے۔

• بھارتی فوجیوں نے مجاہدین کا بھیس بدلا اور سکھوں کو دھوکہ دے کر قتل کیا۔

• بی جے پی حکومت کا مقصد پاکستان کو بدنام کرنا تھا۔

• قتل کے بعد فائرنگ سکواڈ کے تمام اہلکاروں کو بھی مٹا دیا گیا تاکہ ثبوت ختم ہو جائیں۔

راٹھور نے اعتراف کیا کہ قتل عام کے بعد "جے ہند” کے نعرے لگائے گئے اور وہ یورپ سے ہوتے ہوئے امریکہ پہنچا۔