فرانسیسی صد ایمانویل میکرون کا کہنا ہے کہ یوکرین روس کے ساتھ غیر مشروط جنگ بندی کے لیے تیار ہے۔
فرانسیسی صدر ایمانویل میکرون کا کہنا ہے کہ روم میں آج صدر زیلنسکی سے جنگ بندی پر مثبت بات ہوئی ہے وہ امریکا اور یورپ کے ساتھ مل کر جنگ بندی کو عملی جامہ پہنانے کے لیے تیار ہیں۔
میکرون نے کہا کہ اب صدر پیوٹن پر منحصر ہے کہ وہ یہ ثابت کریں کہ وہ واقعی امن چاہتے ہیں۔
فرانسیسی صدر نے کہا کہ یوکرین میں دیرپا امن کے حصول کے لیے کوششیں جاری رکھیں گے۔
چند روز قبل یوکرینی صدر کا کہنا تھا کہ جنگ بندی کے بعد کسی بھی فارمیٹ میں بات چیت کے لیے تیار ہیں۔لندن مذاکرات میں یوکرینی وفد کی پہلی ترجیح غیر مشروط جنگ بندی ہوگی۔
دوسری جانب ترجمان روسی صدارتی محل کا کہنا ہے کہ یوکرین تنازع اتنا پیچیدہ ہےکہ فوری جنگ بندی کا حصول ممکن نہیں، یہ اس قابل نہیں کہ کوئی سخت ٹائم فریم طے کریں اور مختصروقت میں قابل عمل تصفیہ حاصل کریں۔
