کراچی: سینیٹ کے ضمنی انتخاب میں ایم کیو ایم نے پاکستان پیپلز پارٹی کے امیدوار کی حمایت کا فیصلہ کیا ہے۔
تفصیلات کے مطابق متحدہ قومی موومنٹ پاکستان نے پیپلز پارٹی کی قیادت کو سینیٹ کے ضمنی انتخاب کے سلسلے میں اپنے فیصلے سے آگاہ کرتے ہوئے کہا ہے کہ وہ ان کے امیدوار کی حمایت کریں گے۔
اس سلسلے میں پیپلز پارٹی کا وفد ناصر حسین شاہ کی قیادت میں کل ایم کیو ایم کے مرکز بہادر آباد جائے گا، ناصر شاہ نے علی خورشیدی کے ذریعے ایم کیو ایم کی قیادت سے حمایت کی درخواست کی تھی۔
ذرائع پی پی کا کہنا ہے کہ پیپلز پارٹی کی درخواست پر ایم کیو ایم کی طرف سے انھیں مثبت جواب آیا ہے۔ واضح رہے کہ سینیٹ کی یہ نشست سینیٹر تاج حیدر کے انتقال پر خالی ہوئی تھی، جس پر پی پی کی طرف سے وقار مہدی امیدوار ہیں۔
تاج حیدر کہاں پیدا ہوئے؟ ابتدائی تعلیم کس اسکول سے حاصل کی؟
یاد رہے کہ تاج حیدر کا انتقال 8 اپریل کو ہوا تھا، وہ کراچی کے اسپتال میں زیر علاج تھے، ان کا شمار پاکستان پیپلز پارٹی کے بانی رہنماؤں میں کیا جاتا تھا اور وہ پیپلز پارٹی پارلیمنٹرین کے جنرل سیکریٹری، پارٹی کی سینٹرل ایگزیکٹو کمیٹی کے رکن بھی تھے، اس کے علاوہ وہ پی پی سندھ کے جنرل سیکریٹری بھی رہے۔
