کراچی: شہر قائد کے علاقے ڈیفنس فیز 5 میں ہوٹل ملازمین کے تشدد سے پولیس اہلکار اور ایک شہری زخمی ہو گیا، تشدد میں ہوٹل عملے سمیت درجنوں افراد شامل تھے، جن کے خلاف متاثرہ شہری شوکت کی مدعیت میں تھانہ درخشاں میں مقدمہ درج کر لیا گیا۔
تفصیلات کے مطابق ڈیفنس میں ہوٹل کے عملے سمیت درجنوں افراد کی جانب سے پولیس اہلکار اور شہری کو تشدد کا نشانہ بنائے جائے جانے کے واقعے میں متاثرہ شہری شوکت حسین شاہ کی مدعیت میں درخشاں تھانے میں مقدمہ درج کر لیا گیا ہے۔
مقدمہ ہنگامہ آرائی، توڑ پھوڑ، مغلظات بکنے اور تشدد کا نشانہ بنانے کی دفعات کے تحت درج کیا گیا ہے، مقدمے میں ہوٹل کے مالک سمیت 10 سے زائد افراد کو نامزد کیا گیا ہے۔
اسکیم 33 موسمیات پر احتجاج کی آڑ میں دکانوں میں لوٹ مار اور شہریوں پر تشدد کی ویڈیو سامنے آ گئی
پولیس نے مقدمے میں نامزد 7 ملزمان عبدالعزیز، سمیع اللہ، عرض محمد، بشیر احمد، محمد اسلام، شاہد، زین العین کو موقع پر سے گرفتار کر لیا ہے، جب کہ مقدمے میں نامزد ہوٹل مالکان محمد علی، وحید اللہ، نواب سمیت دیگر افراد فرار ہیں، جن کی گرفتاری کی کوشش کی جا رہی ہے۔
پولیس حکام کے مطابق ہوٹل کے عملے اور اہل محلہ میں 2 روز پہلے بھی جھگڑا ہوا تھا، جس پر پولیس نے موقع پر پہنچ کر صلح صفائی کرا دی تھی، تاہم گزشتہ رات ہوٹل کے عملے نے اہل محلہ اور پولیس اہلکار عدنان رفیق کو تشدد کا بنایا۔
پاپا کی ڈاکو کی گولی سے معذوری کے بعد میرا اسکول بھی چھوٹ گیا ہے، دردناک ویڈیو رپورٹ
پولیس حکام کے مطابق ڈیفنس فیز 5 میں اہلکار سے ہوٹل کے عملے نے گالم گلوچ اور بدکلامی کی، جس پر پولیس اہلکار کا ہوٹل عملے سے جھگڑا ہوا، عدنان گھر سے نکلا تو اس پر ہوٹل ملازمین نے حملہ کیا، اہلکار کو بچانے کی کوشش کرنے والے شہری پر بھی تشدد کیا گیا۔
پولیس کا کہنا ہے کہ ہوٹل مالک اور عملے کے خلاف بدتمیزی کی متعدد شکایات مل چکی ہیں۔
