نئی دہلی : مودی سرکار نے 16 پاکستانی یوٹیوب چینلز پر پابندی عائد پابندی کردی، پابندی کی زد میں آنے والے اداروں میں پاکستان کے معتبر نیوز چینلز اے آروائی ، ڈان نیوز، سما ٹی وی اور جیو نیوز شامل ہیں۔
تفصیلات کے مطابق بھارت کے فالس فلیگ آپریشن پر پاکستانی میڈیا کا ذمہ دارانہ کردار بھارت کو ایک آنکھ نہ بھایا۔
پاکستانی میڈیا نے بھارت کے جھوٹ سے پردہ اٹھایا اور دنیا کو سچ دکھایا تومودی حکومت گھبرا گئی۔
نئی دہلی میں مودی سرکار کی گھبراہٹ ایک بار پھر دنیا کے سامنے آگئی ہے،بھارتی وزارت داخلہ کی سفارش پرا ے آروائی نیوز سمیت پاکستان کے سولہ ٹی وی چینلز کی یوٹیوب نشریات پر بھارت میں پابندی لگادی۔
بھارتی اخبار دا ہندو نے بتایا کہ پابندی کی زد میں آنے والے اداروں میں پاکستان کے معتبر نیوز چینلز اے آروائی ، ڈان نیوز، سما ٹی وی اور جیو نیوز شامل ہیں۔
بھارت نے یہ اقدام اس بہانے اٹھایا ہے کہ مبینہ طور پر یہ چینلز ”اشتعال انگیز اور فرقہ وارانہ حساس مواد“، ”غلط اور گمراہ کن بیانیے“ اور ”بھارتی فوج اور سیکیورٹی اداروں کے خلاف جھوٹی معلومات“ پھیلا رہے تھے،ؤ خصوصاً جموں و کشمیر میں پیش آنے والے پہلگام دہشت گردی واقعے کے تناظر میں۔
مبصرین کے مطابق بھارتی حکومت کی طرف سے پاکستانی میڈیا پر پابندی عائد کرنا دراصل اپنی ناکامیوں اور اندرونی تضادات کو چھپانے کی ایک کوشش ہے۔
