ویڈیو رپورٹ: عدنان راجپوت
ڈکیتی مزاحمت پر فائرنگ سے معذور ہونے والے شہری کس حالت میں جیتے ہیں؟ کراچی میں لوٹ مار کی وارداتوں میں ڈاکوؤں کی فائرنگ کا نشانہ بننے کے بعد کئی شہری معذوری کی زندگی گزارنے پر مجبور ہیں، ایسے ہی ایک نوجوان سے یہاں ملوا رہے ہیں، جو ڈاکوؤں کی گولی کا نشانہ بنا اور معذور ہو گیا۔
سرجانی ٹاؤن میں بے لگام لٹیروں کی گولی کا نشانہ بننے والا شہری اویس معزوری کے بعد حکومتی امداد کا منتظر ہے، متاثرہ شہری اویس کے مطابق گزشتہ سال 28 دسمبر کی صبح سرجانی تھانے کے قریب ڈاکوؤں نے واردات کے دوران نشانہ بنایا، موٹر سائیکل چھینی اور گولی مار کر فرار ہو گئے۔
سیلفیوں کے شوقین رجب علی کو کس نے بہیمانہ طریقے سے قتل کیا؟ ویڈیو رپورٹ
متاثرہ شہری کی ہمشیرہ کہتی ہیں اویس کو گولی لگنے کے بعد وہ کام نہیں کر پا رہے ہیں، متاثرہ اویس کی 11 سالہ بیٹی کا کہنا ہے کہ پاپا کو ڈاکو نے گولی ماری، پہلے اسکول جاتے تھے، اب فیس کی رقم نہ ہونے پر اسکول چھوڑنا پڑھا۔ میں تعلیم حاصل کرنا چاہتی ہوں۔ اویس کا مطالبہ ہے کہ حکومت اس کا علاج کرائے تاکہ وہ اپنے بچوں کی کفالت کر سکے۔
