محکمہ موسمیات کا کہنا ہے کہ یکم مئی سے 5 مئی تک پاکستان کے مختلف علاقوں میں آندھی، بارش اور ژالہ باری کا امکان ہے۔
محکمہ موسمیات نے یکم مئی سے مغربی ہوائیں داخل ہونے کی پیش گوئی کی ہے، خیبرپختونخوا، اسلام آباد، پنجاب، شمال مشرقی بلوچستان میں تیز ہوائیں چلنے کا امکان اور بارش متوقع ہے۔
گلگت بلتستان اور کشمیر میں بھی بارش اور ژالہ باری کا امکان ہے، آندھی اور ژالہ باری سے فصلوں، کمزور عمارات اور سائن بورڈز کو نقصان پہنچنے کا خدشہ ہے۔
شہریوں کو غیرضروری سفر سے گریز اور احتیاطی تدابیر ختیار کرنے کی ہدایت کی گئی ہے۔
محکمہ موسمیات کا کہنا ہے کہ تمام متعلقہ اداروں کو الرٹ رہنے کی ہدایات جاری کردی گئیں، کاشت کار اپنی فصلوں کو محفوظ بنانے کے لیے پیشگی اقدامات کریں۔
