بھارت میں پہلگام واقعے کے بعد انتہا پسندی اپنے عروج پر ہے، ‘پاکستان زندہ باد کا نعرہ’ لگانے والے نوجوان کو ہجوم نے تششد کرکے مار ڈالا۔
بھارتی ریاست کرناٹک کے شہر منگلورو میں اتوار کو ایک مقامی کرکٹ میچ کے دوران مبینہ طور پر "پاکستان زندہ باد” کے نعرے لگانے پر ہجوم نے ایک شخص کو تشدد کرکے ہلاک کردیا، واقعے کے بعد پولیس نے 10 سے زائد افراد کو گرفتار کر لیا ہے۔
کرناٹک کے وزیر داخلہ جی پرمیشورا نے بھی مذکورہ واقعے کی تصدیق کرتے ہوئے کہا کہ متاثرہ شخص کی فوری طور پر موت واقع نہیں ہوئی تھی، بعد میں وہ زخموں کی تاب نہ لاتے ہوئے چل بسا۔
انھوں نے کہا کہ واقعے کی تفصیلی رپورٹ کا انتظار ہے جبکہ ملزمان کو گرفتار کرلیا گیا ہے، مجھے اطلاع ملی تھی کہ مذکورہ شخص مقامی کرکٹ میچ کے دوران ‘پاکستان زندہ باد’ کا نعرہ لگا رہا تھا جس کی وجہ سے ہجوم نے اس پر تشدد کیا۔
جی پرمیشورا نے بتایا کہ ہجوم نے اسے مارا پیٹا، وہ موقع پر ہی ہلاک نہیں ہوا لیکن بعد میں جاں بحق گیا، تقریباً 10 سے 12 افراد کو گرفتار کر لیا گیا ہے اور مزید تفتیش جاری ہے۔
ذائع ابلاغ کے مطابق کرکٹ میچ کے دوران مقتول نوجوان جس کی شناخت ظاہر نہیں کی گئی اس کا سچن نامی نوجوان سے جھگڑا ہوا تھا جس پر بات بڑھی اور اس نے اپنے ساتھیوں کو بلالیا۔
پوسٹ مارٹم رپورٹ کے مطابق مذکورہ نوجوان کی موت کی وجہ اندرونی چوٹیں اور زیادہ خون بہنا ہے جس کی وجہ سے وہ جاں بحق ہوا۔
پہلگام واقعہ کے بعد بھارت میں مسلم مخالف نفرت انگیز گانوں کی بھرمار
