پاکستانی شوبز انڈسٹری سے متعلق رکھنے والی نوجوان اداکارہ کومل میر نے غیر ملکی یونیورسٹی سے وکالت کی ڈگری حاصل کر لی۔
میڈیا رپورٹس کے مطابق کومل میر نے انسٹاگرام پر ڈگری حاصل کرنے کی تصاویر اور ویڈیوز شیئر کیں جس پر مداح انہیں مبارکباد دے رہے ہیں۔
یہ بھی پڑھیں: کومل میر نے اپنے ’کرش‘ کا نام بتا دیا
کومل میر نے یونیورسٹی آف لندن سے ایل ایل بی کی ڈگری حاصل کی۔ تصاویر اور ویڈیوز میں اداکارہ کو گاؤن اور ٹوپی میں دیکھا جا سکتا ہے۔
یادگار لمحات انسٹاگرام پر شیئر کرتے ہوئے انہوں نے لکھا کہ میں نے گریجویشن کر لیا جو بالکل آسان نہیں تھا لیکن ہمیں والدین کے خوابوں کو پورا کرنے کی کوشش کبھی نہیں روکنی چاہیے۔
اس موقع پر ان کی والدہ بھی ہمراہ نظر آئیں۔
کومل میر مقبول ڈراموں میں اداکاری کے جوہر دکھا چکی ہیں لیکن اس کے باوجود انہوں نے اپنے تعلیمی سفر کو نہیں چھوڑا اور ایل ایل پی کی تعلیم مکمل کی۔
انہوں نے اے آر وائی ڈیجیٹل کے ڈرامہ سیریل ’اے دل‘ میں کردار ادا کیا جس کی کاسٹ میں اذان سمیع خان، حنا چوہدری، محمود اسلم، ثانیہ سعید، سلمیٰ حسن، صبا حمید، سعد قریشی، گوہر رشید، رائما خان، فضیلہ لاشاری، فاطمہ گوہر و دیگر بھی شامل تھے۔
