اسلام آباد : میڈیکل بورڈ نے بھارت سے علاج کے بغیر آئے بچوں کے علاج متعلق مشاورت مکمل کرلی اور قومی ادارہ امراض قلب میں بھی سرجری کروانے کا مشورہ دیا ہے۔
تفصیلات کے مطابق بھارت سےعلاج کےبغیرآئےبچوں سے قومی ادارہ امراض قلب میں میڈیکل بورڈ کی مشاورت مکمل ہوگئی۔
متاثرہ بچوں کے والد شاہدعلی نے بتایا کہ میڈیکل بورڈ میں کہا گیاہےکہ بچوں کاعلاج پاکستان میں ممکن ہوگا، ڈاکٹرز نے قومی ادارہ امراض قلب میں بھی سرجری کروانے کا مشورہ دیا ہے۔
شاہدعلی کا کہنا تھا کہ آج اسلام آبادجارہاہوں وہاں بھی میڈیکل بورڈ سےمشورہ لیا جائےگا، حکومت تعاون کررہی ہے،ڈاکٹرز نےکہا ہےسرجری طویل پروسس ہے پہلے ایک سرجری اور پھر دوسری سرجری کچھ سالوں بعد ہوگی۔
ترجمان وزارت صحت نے کہا کہ بھارت سےواپس آئےبچوں کےعلاج کیلئےانتظامات مکمل کرلئے گئے ہیں، ڈی جی ہیلتھ نےآرمڈفورسزانسٹیٹیوٹ آف کارڈیالوجی میں علاج کے انتظامات کئے ہیں۔
مزید پڑھیں : بھارت سے علاج کے بغیر واپس آنے والے بچوں کا علاج پاکستان میں کہاں ممکن ہے؟
حکومتِ پاکستان بچوں کےعلاج کامکمل خرچ اٹھائےگی، بچوں کےعلاج کیلئےکراچی سےاسلام آبادمنتقلی کے انتظامات کی نگرانی ڈی سی کریں گے
وزیرصحت مصطفیٰ کمال نےنوٹس لینےکےبعدبچوں کےعلاج کیلئےانتظامات کرنے کی ہدایت کی تھی۔
